ASARE SONG (असारे गीत)

असारे मासको दबदबे हिलो छुनलाई घिन लाग्यो

मायालु ज्यानलाई फरिया किन्दा छ बिस रिन लाग्यो 

Rice Planting

नेपाली जन मानसमा असारे गीतको यो पंक्ती अत्यन्त  लोक प्रिय छ. / नेपाल को खेति प्रणाली अनुसार  बिशेस गरि बर्षा याममा खेतमा धान रोप्ने गरिन्छ / बर्षा याममा बर्षा हुने हुनाले बर्षा को पानी अनि बर्षाका कारण उब्जिएका पानीका अस्थाई मुहानहरु बाट आउने पानीलाई प्रयोग गरि खेत सिंचित गरी धान बाली लगाउने गरिन्छ  / यसप्रकार धान बाली लगाउने समय असार र श्रावन लाई  सबै भन्दा उत्तम रुपमा लिने गरिएको छ /  यसरी खेत मा धान बालि लगाउने समयमा गाइने गीत असारे गीत को रुपमा नेपलीहरु माझ प्रचलित र लोकप्रिय रहेको छ / खेत रोप्ने समयमा खेतमा उपस्थित रहने सबै जनाले मनोरंजन लिंदै यो गीत गाउने अनि नाचिने समेत गरिन्छ / रोपरे, बाउसे, हली तथा खेतका धनि वा मालिक समेत ले एक आपसमा हिलो छेपा छेप गर्दै यो समय मा मनोरंजन लिने  गर्दछन / नेपालमा  असार १५ लाई बिसेष पर्वका रुपमा लिने गरिन्छ / उक्त दिन दहि र चिउरा खाने परम्परा पनी छ / यसका साथै नेपाल सरकारले असार १५ लाई राष्ट्रिय धान दिवस घोषणा गरेर विभिन्न कार्यक्रम हरु पनी आयोजना गर्ने गरेको छ /

Preparing field to rice plantation

नोट : (खेतमा धान रोप्ने लाई रोपरे, अनि धान रोप्नका लागि खेत लाई छेउ कुनाका विभिन्न नमिलेका भागहरुलाई समथर पार्दै र खेत बाट पानी बाहिर जान नदिन खेतको आली (डिल) हरु मिलाउने काम गर्ने लाई बाउसे र खेतमा हलो जोतेर अनि साउने लगाएर धान रोप्न योग्य  बनाउने व्यक्ति लाई  हली भनिन्छ / )